Stammdischkurasch

 

Schaffa ond zahla.

Zahla ond schaffa.

Wenns so weitergoht,

muascht bald zahla,

dass da schaffa deascht.

Dia mached s Michele mit aos

ond mir laoeds aos gfalla.

 

Ma miaßt amol uf d Schtroß

ond richteg Rabatz macha,

so wia d Franzosa …

Honderttaused miaßted uf d Schtroß!

Was sage – a baar Milliona!

Äll Woch!

Awa, jeda Dag!

 

 

Uf mi

Kennt ma do freile vrzichta,

bei so viel Leit.

 

("I bens bloß!")


 

 

Nohmol

 

Wa dät dr Schiller huit wohl treiba?

Huit kennt r jo em Ländle bleiba

ond do sei Sach uf Schwäbisch schreiba.

 

Bloß – leab amol vom Mundartdichta!

Dr miaßt vielleicht beim Daimler schichta,

dr Schiller – der dät nohmol flichta.

 

 ("I bens bloß!")

 

 

 

 

 

Top